БАРИМТ БИЧГИЙГ ХУУРАМЧ БОЛОХЫГ МЭДСЭЭР БАЙЖ АШИГЛАСАН ИРГЭНД ХАРИУЦЛАГА ХҮЛЭЭЛГЭВ.
БАРИМТ БИЧГИЙГ ХУУРАМЧ БОЛОХЫГ МЭДСЭЭР БАЙЖ
АШИГЛАСАН ИРГЭНД ХАРИУЦЛАГА ХҮЛЭЭЛГЭВ.
Шийтгэх тогтоолын огноо Дугаар: 2025 оны 07 сарын 03-ны өдөр 2025/ШЦТ/86
Шийдвэрийн төлөв: Хүчин төгөлдөр болсон.
Тойм: 2026.01.13 шийдвэр № 01
Дорноговь аймгийн Замын-Үүд сум дахь сум дундын прокурорын газраас О-г баримт бичгийг хуурамч болохыг мэдсээр байж ашигласан гэх гэмт хэрэгт холбогдуулан яллах дүгнэлт үйлдэж, хэргийг шүүхэд ирүүлжээ.
О нь Олон Улсын зам харилцаа, аж үйлдвэрийн институтийн дэргэдэх "Б сургалтын төв"-ийн мэргэжлийн сургалтын байгууллагад "Төмөр замын замчин" мэргэжлээр төгсөөгүй атлаа "Төмөр замын замчин"-ийн хуурамч үнэмлэхийг бусдаас авч, улмаар 2020 оны 09 дүгээр сарын 01-ний өдөр Улаанбаатар төмөр замын ангид Төмөр замын замчнаар ажиллаж хуурамч үнэмлэх ашигласан гэмт хэрэгт холбогджээ.
О-г баримт бичгийг хуурамч болохыг мэдсээр байж ашигласан гэм буруутай гэж шүүх үзсэн.
Эрүүгийн хуулийн тусгай ангийн 23.2 дугаар зүйлийн 1 дэх хэсэгт заасан гэмт хэрэг нь хуурамч баримт бичиг үйлдсэнээр болон түүнийг ашигласнаар төгс үйлдэгдсэнд тооцогддог бөгөөд заавал бодитой хохирол учирсан байхыг шаарддаггүй онцлогтой юм.
Монгол Улсын Үндсэн хууль, Төрийн албаны тухай болон Хөдөлмөрийн тухай хуулиар иргэн хүн ажил мэргэжлээ чөлөөтэй сонгох, гүйцэтгэсэн ажилдаа тохирсон шударга цалин хөлс авах зарчимтай. Гэвч О нь санаатайгаар мэргжлийн үнэмлэхийг бусдаас худалдан авч, тухайн мэргэжлийг эзэмшсэн мэтээр бусдад ойлголт төрүүлж хөдөлмөр эрхлэлтийн харилцаа үүсгэж, хуулийн дагуу эрхлэх үндэслэлгүй байсан албан тушаалд орж ажилласан байна.
Нотлох баримтаар тогтоогдсон хэргийн нөхцөл байдал нь Эрүүгийн хуулийн тусгай ангийн 23.2 дугаар зүйлийн 1 дэх хэсэгт заасан тусгай зөвшөөрөл, эрх олгосон баримт бичгийг хуурамч болохыг мэдсээр байж ашигласан гэмт хэргийн шинжийг бүрэн агуулсан болно.
О-г баримт бичгийг хуурамч болохыг мэдсээр байж ашигласан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 23.2 дугаар зүйлийн 1 дэх хэсэгт зааснаар шүүгдэгч О-г 600 /зургаан зуу/ нэгжтэй тэнцэх хэмжээ буюу 600,000 /зургаан зуун мянга/ төгрөгөөр торгох ял оногдуулж шийтгэсэн.
Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорлготой болно”.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: https://shuukh.mn/single_case/121952?daterange=2025-01-01%20-%202025-11-28&id=1&court_cat=2&bb=1