ТҮҮХ, СОЁЛЫН ХӨДЛӨХ ДУРСГАЛТ ЗҮЙЛИЙГ УЛСЫН ХИЛЭЭР ХУУЛЬ БУСААР НЭВТРҮҮЛСЭН БҮГД НАЙРАМДАХ ХЯТАД АРД УЛСЫН ИРГЭНД ХАРИУЦЛАГА ХҮЛЭЭЛГЭВ.
ТҮҮХ, СОЁЛЫН ХӨДЛӨХ ДУРСГАЛТ ЗҮЙЛИЙГ УЛСЫН ХИЛЭЭР ХУУЛЬ БУСААР НЭВТРҮҮЛСЭН БҮГД НАЙРАМДАХ ХЯТАД АРД УЛСЫН ИРГЭНД ХАРИУЦЛАГА ХҮЛЭЭЛГЭВ.
Шийтгэх тогтоолын огноо Дугаар: 2025 оны 01 сарын 22-ны өдөр 2025/ШЦТ/06
Шийдвэрийн төлөв: Хүчин төгөлдөр болсон.
Тойм: 2025.10.30, шийдвэр №05
Дорноговь аймгийн Замын-Үүд сум дахь сум дундын прокурорын газраас С /S/-г Монгол Улсын хилээр хууль бусаар нэвтрүүлсэн гэх гэмт хэрэгт холбогдуулан яллах дүгнэлт үйлдэж, хэргийг шүүхэд ирүүлжээ.
С /S/ нь Дорноговь аймгийн Замын-Үүд дэх Авто замын шалган нэтрүүлэх боомтоор 2024 оны 03 дугаар сарын 04-ний өдөр Монгол Улсын түүх, соёлын дурсгалт зүйл болох рүүжин чимэглэл /ясан чимэглэл 212 ширхэг, голын чимэглэл 1 ширхэг/, дэншиг /хоёр гууль холбосон/, зэс хөөмөл толгой 1 ширхэг, догшин дүртэй бурхны нэг тэргүүн 1 ширхэг, чимэглэл 3 ширхэг зэрэг эд зүйлүүдийг Монгол Улсын хилээр хууль бусаар нэвтрүүлсэн гэмт хэрэгт холбогджээ.
С /S/-г нь Дорноговь аймгийн Замын-Үүд дэх Авто замын шалган нэтрүүлэх боомтоор 2024 оны 03 дугаар сарын 04-ний өдөр нэвтрэх үедээ Монгол Улсын түүх, соёлын дурсгалт эд зүйлүүдийг Монгол Улсын хилээр хууль бусаар нэвтрүүлсэн үйлдэл нь
Соёлын өвийг хамгаалах тухай хуулийн 32 дугаар зүйлийн 32.2.4-д “түүх соёлын дурсгалт зүйлийг хилээр гаргахад зохих журмын дагуу зөвшөөрөл авах” гэж заасан байдаг. С /S/ нь уг түүх соёлын дурсгалт зүйлийг зохих зөвшөөрөлгүйгээр Улсын хилээр гаргасан нь Эрүүгийн хуулийн тусгай ангийн 18.5 дугаар зүйлийн 3 дахь хэсэгт заасан гэмт хэргийн шинжийг агуулж байна гэж үзсэн.
Бүгд Найрамдах Хятад Ард Улсын иргэн С /S/ нь Монгол улсын хилээр нэвтрэхдээ өөрийн авч яваад эд зүйлийг хилээр нэвтрүүлж болох эсэхийг гаалийн улсын байцаагчаас урьдчилан тодруулах боломжтой боловч энэ эрхээ хэрэгжүүлээгүй. С /S/ нь Соёлын өвийг хамгаалах тухай хуулинд заасан зохих зөвшөөрөлийг аваалгүйгээр дээрх эд зүйлийг авч явж байгаад гаалийн рентген тоног төхөөрөмжөөр гар тээшнээс нь Монгол Улсын түүх, соёлын дурсгалт зүйл болох эд зүйлс илэрч түүнийг Эрүүгийн хуулийн тусгай ангийн 18.5 дугаар зүйлийн 3 дахь хэсэгт зааснаар “түүх, соёлын хөдлөх дурсгалт зүйлийг улсын хилээр хууль бусаар нэвтрүүлсэн” гэмт хэрэг үйлдсэн гэм буруутайд тооцож, 10,000 нэгжтэй тэнцэх хэмжээний буюу 10,000,000 /арван сая/ төгрөгийн торгох ял оногдуулж шийтгэсэн.
Гэмт хэргийг зүйл болох эд мөрийн баримтаар шүүхэд хураагдан ирсэн түүх, соёлын хөдлөх дурсгалт зүйлсийн хураад улсын орлого болгосон болно.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: ТҮҮХ, СОЁЛЫН ХӨДЛӨХ ДУРСГАЛТ ЗҮЙЛИЙГ УЛСЫН ХИЛЭЭР ХУУЛЬ БУСААР НЭВТРҮҮЛСЭН БҮГД НАЙРАМДАХ ХЯТАД АРД УЛСЫН ИРГЭНД ХАРИУЦЛАГА ХҮЛЭЭЛГЭВ.