ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН АЖИЛТНЫГ ЧИГЛҮҮЛЭН АЖИЛЛАХ ҮҮРГЭЭ БИЕЛҮҮЛЭЭГҮЙН УЛМААС ХҮНИЙ АМЬ НАСЫГ БОЛГООМЖГҮЙГЭЭР ХОХИРООСОН ЭТГЭЭДҮҮДЭД ЭРҮҮГИЙН ХАРИУЦЛАГА ХҮЛЭЭЛГЭВ.
ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН АЖИЛТНЫГ
ЧИГЛҮҮЛЭН АЖИЛЛАХ ҮҮРГЭЭ БИЕЛҮҮЛЭЭГҮЙН УЛМААС ХҮНИЙ АМЬ НАСЫГ БОЛГООМЖГҮЙГЭЭР ХОХИРООСОН ЭТГЭЭДҮҮДЭД ЭРҮҮГИЙН ХАРИУЦЛАГА ХҮЛЭЭЛГЭВ.
Шийтгэх тогтоолын огноо дугаар: 2025 оны 06 сарын 30-ны өдрийн 2025/ШЦТ/81
Шийдвэрийн төлөв: Хүчин төгөлдөр болсон.
Тойм: 2025.12.08, шийдвэр №06
Прокурорын газраас Ц, Э нарт холбогдуулан яллах дүгнэлт үйлдэж, хэргийг шүүхэд ирүүлсэн.
Ц нь 2023 оны 04 дүгээр сарын 30-ны өдөр Дорноговь аймгийн Улаанбадрах сумын нутаг дэвсгэрт байх Тээлийн шонхор хуулийн этгээдийн үйлдвэрлэлийн талбай буюу Үнэгтийн уурхай гөлтгөнө олборлох талбай дээр Хөдөлмөрийн тухай хуулийн 65 дугаар зүйлийн 65.1, ТШ хуулийн этгээдийн ерөнхий захирал Э-тэй 2023 оны 04 дүгээр сарын 10-ны өдөр “Онцгой нөхцөл бүхий хөдөлмөрийн гэрээ” байгуулж, уг хөдөлмөрийн гэрээний 3.1 дэх хэсгийн 3.1, 4.2.8, 4.2.9, 18 “Хариуцсан нэгж, хэсэгт ажиллаж байгаа ажилчдын аюулгүй байдлыг хангаж ажиллахдаа Хөдөлмөрийн хамгаалах хэрэгсэлд тавих ерөнхий шаардлага, ангилал MNS (Монгол Улсын стандарт) 4931:2000 стандартын 3.12, Хөдөлмөрийн аюулгүй байдал эрүүл ахуйн тухай хуулийн 15 дугаар зүйлийн 15.1 “ажил олгогч нь ажилтныг түүний ажлын нөхцөл, ажил үүргийн онцлогт тохирсон ажлын тусгай хувцас, хамгаалах хэрэгслээр үнэ төлбөргүй хангах үүрэгтэй”, 27 дугаар зүйлийн 27.3, 28 дугаар зүйлд заасан “чиг үүргийн дагуу ажил олгогчийн нэгэн адил эрх эдэлж, үүрэг хүлээж ажиллах” гэсэн хууль, түүнд нийцүүлэн гаргасан захиргааны хэм хэмжээний акт, хэлцлээр хүлээсэн үүргээ биелүүлээгүйн,
Э нь Механик инженерийн “албан тушаалын тодорхойлолт”-ын “Үндсэн үүрэг”-ийн 2-т “Үйлдвэрийн оператор, жолооч, хүнд механизмын операторуудад засвар үйлчилгээний хэлтсийн ажилчдад ажиллагааны зааварчилга, чиглэл өгөх”, 10-д “Ажилчдаар үүргийн бус нэмэлт ажил гүйцэтгүүлэх тохиолдолд тухайн ажлыг гүйцэтгэх аргачлалыг танилцуулах”, 14-д “Хариуцсан нэгж, хэсэгт ажиллаж байгаа ажилчдын аюулгүй байдлыг хангаж ажиллахдаа” Хөдөлмөрийн аюулгүй байдал эрүүл ахуйн тухай хуулийн 27 дугаар зүйлийн 27.3, 28 дугаар зүйлд заасан “чиг үүргийн дагуу ажил олгогчийн нэгэн адил эрх эдэлж, үүрэг хүлээж ажиллах” гэснийг биелүүлээгүйн улмаас үйлдвэрлэлийн талбай дээр гөлтгөнийг шорооноос ялгах, шигшүүр янзлах үүрэг авч ажил үүрэг гүйцэтгэж байсан самосвал оператор ажилтай П шигшүүрт дарагдаж амь насыг хохироосон үйл баримт тогтоогдсон.
Онцгой нөхцөл бүхий хөдөлмөрийн гэрээгээр шилжүүлсэн үүргийг биелүүлээгүй, Үйлдвэрийн даргын албан тушаалын тодорхойлолтод заагдсан ажилаа хэрэгжүүлэхдээ Хөдөлмөрийн аюулгүй байдал эрүүл ахуйн тухай хуулийн заасан үүргийг хэрэгжүүлээгүй, Хөдөлмөрийн хамгаалах хэрэгсэлд тавих ерөнхий шаардлага, ангилал MNS 4931:2000 стандартын 3.12, 15 дугаар зүйлийн 15.1 ажил олгогч нь ажилтныг түүний ажлын нөхцөл, ажил үүргийн онцлогт тохирсон ажлын тусгай хувцас, хамгаалах хэрэгслээр үнэ төлбөргүй хангах үүрэгээ зохих ёсоор хэрэгжүүлээгүйн улмаас хүний амь нас хохирсон, шүүгдэгч Э, Ц нарын гэм буруу нотлогдсон болно.
Мөрдөн шалгах ажиллагааны болон шүүхийн шатанд хүний амь насыг болгоомжгүйгээр хохироосон гэм буруугаа шүүгдэгч нар нь хүлээн зөвшөөрсөн мөн уг осол нь хариуцагч байгууллага болох ТШ ХХК-ийн ажилчдын буруутай үйлдлээс шууд хамааралтай байх тул гэмт хэргийн улмаас учирсан хор уршгийг хуулийн этгээд нь шүүгдэгч нарын нэгэн адил хариуцан арилгах үүрэг хүлээсэн.
Шүүгдэгч нарт эрүүгийн хариуцлага оногдуулахдаа гэм буруугаа хүлээн зөвшөөрсөн байдал, анх удаа хэрэгт холбогдсон, хохирол төлбөргүй зэргийг хөнгөрүүлэх нөхцөл байдалд харгалзан үзэж хорих ял оногдуулахгүйгээр тус бүр 1 (нэг) жилийн хугацаагаар тэнсэж, тэнсэнгийн хугацаанд үүрэг хүлээлгэн шийдвэрлэсэн байна.
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорлготой болно.
Тойм бэлтгэсэн: Дорноговь аймгийн Замын-Үүд сум дахь сум дундын шүүхийн ерөнхий шүүгч Э.Болормаа
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН АЖИЛТНЫГ ЧИГЛҮҮЛЭН АЖИЛЛАХ ҮҮРГЭЭ БИЕЛҮҮЛЭЭГҮЙН УЛМААС ХҮНИЙ АМЬ НАСЫГ БОЛГООМЖГҮЙГЭЭР ХОХИРООСОН ЭТГЭЭДҮҮДЭД ЭРҮҮГИЙН ХАРИУЦЛАГА ХҮЛЭЭЛГЭВ.